Ennþá í páskafríi...
...nei því miður ekki svo gott en fólk virðist eitthvað farið að halda það miðað við bloggleysis ástandið sem er á mér þessa dagana! Get samt ekki sagt að það sé vegna þess að ég sé aldrei í tölvu því ég hef nánast búið í tölvustofunni í M-húsinu seinustu daga við að gera þessi yndislegu Matlab/Numme verkefni sem ég elska svo mikið! Haha..vildi að það væri svo gott.. en erum alla vega búnar að redovisa alla 5 labbana, seinasti í dag! Jibbí kóla! Semsagt 3 einingar komnar í viðbót, lovely, plús 3 bónusstig á prófinu, reyndar ekki stórt hlutfall af þeim 35 stigum sem prófið er en alla vega byrjunin! Prófið er semsagt á þriðjudaginn þannig að þangað til sé ég ekki fram á mikið annað en lærdóm... Svo voru niðurstöður úr Mekanik prófinu að koma í dag, NEMA ekki á okkar braut! Við vorum semsagt 3 brautir að taka sama prófið og það var 15% sem NÁÐU í P deildinni en 50% í T... og þar sem mér gekk hræðilega í þessu prófi sé ég ekki fram á annað en endurtektarpróf sem er 12.maí þannig að það er nóg að gera framundan! Það er samt gott að vita að ég er ekki eina manneskjan sem er að skíta á sig í þessu "uppáhalds" fagi mínu. En hvað getur maður gert annað en að reyna betur næst.. það er samt algjört rugl að lærdómurinn allt páskafríið hafi ekki skilaðn neinu! En jæja Vala nóg af skólanöldri...
En jæja nenni ekki að blogga lengur, ætla að fara að kaupa í matinn, ísskápurinn nánast tómur... hræðilegt ástandið á þessum bæ... hahaha..
Lofa skemmtilegu bloggi á morgun! Greinilega ekki í bloggstuðinu í dag
ciao
...
Vala ...oh det är så jobbigt! hahaha

Páskafrí...yndislegt...
Jæja þá blogga ég loksins! Bara búin að vera svo bissi að ég hef ekki haft tíma til að tjá mig hér.. hihihi.. einhverja afsökun verð ég nú að hafa...
En jæja... smá upptalning á því sem hefur verið í gangi síðan ég byrjaði í páskafríinu...
Á föstudaginn kíkti Rósa til mín í mat en þar sem við vorum báðar orðnar mjög mjög svangar, og ég kom beint af blakæfingu og klukkan var orðin átta þá ákváðum við að taka skyndibitastælinn á þetta og keyptum tilbúinn heitan kjúkling og kartöflusalat út í búð... klikkar aldrei... svo bættist Ebba við í hópinn og sátum bara og tjilluðum heima þangað til við kíktum í bæinn um hálftólf, ætluðum fyrst í Smörjis, deildarpöbb vélaverkfræðinnar, en þar sem það virtist vera einhver frekar "spes" stemmning þar miðað við símtöl okkar til fólks sem var þar þá ákváðum við frekar að hitta einhverja vini hennar Ebbu sem voru á stað niðrá Söder.. þar var fín stemmning og góðir kokteilar og lentum við Rósa í viðreynslum af þrítugum gaurum með giftingarhringa... sumt fólk er meira spes en annað! Þetta varð eitthvað frekar stutt djamm en skemmtilegt...
Á laugardaginn vaknaði ég hress til að þvo þvotta og sá dagur fór mest allur í einhverja afslöppun bara, kíkti svo til Rósu og Einars þar sem voru bara eintóm pör, semsagt Einrósa, Raggandri og Freystína og ég og Steinar mynduðum fjórða "parið"...pizza, pílukast, jarðarber út um allt eldhús, blikkandi umferðarljós og rafstuðspil einkenndu stemmninguna þar... eftir það kíktum við í innflutningspartý til Heiðrúnar og Ragga, þar var mjög róleg stemmning en skemmtileg og var íbúðin þeirra rosa fín og Heiðrún orðin algjör dúlla með bumbuna sína enda farið að styttast í það að hún fari að eiga... enginn bær það kvöldið! Voða er maður slappur...
Jæja sunnudagur læra! Svo pakkaði ég saman föggum mínum og hélt á vit ævintýranna.. haha hljómar þetta ekki skemmtilega... en í farteskinu voru tjúttskórnir, skólabækur, flíspeysa, ullarbrækur og fleira skemmtilegt... hvert fer maður með slíkan farangur? Jú, þannig var málið að Steinar er í einhverjum Viking-Line klúbbi þannig að mér var bara skyndilega boðið í siglingu með honum, Baldri, Stínu og Frey á sunnudaginn og var ég ekki lengi að neita því... ferðinni var heitið til Álandseyja en reyndar stoppuðum við þar bara í 2 tíma, sem dugði til að taka nokkrar myndir og sjá bleikar götur og já.. ekki mikið meira! haha. En á sunnudagskvöldið var hlaðborð sem var fínt, ég hélt mig nú reyndar mest í kjúllanum og öðrum mat sem ég kannaðist við en lét kavíar, rækjur, svínaflesk og síldarsalat alveg eiga sig... eftirrétarborðið var heimsótt tvisvar! haha.. sælkerar þar á ferð.. svo var bara djamm og tjútt fram eftir nóttu... ekki mikið meira að segja frá þeirri ferð... myndir koma brátt á myndasíðuna...
En já skólabækur, flíspeysa? Þegar við komum til baka á mánudaginn var ég ekkert á leiðinni heim heldur tók strætó beina leið niðrí Slussen, náði varla að kveðja krakkana, hoppaði beint upp í strætó og þaðan í klukkutíma akstur að báti og með honum upp í Skerjagarð þar sem Ebba tók á móti mér á hjóli með kerru aftan á og sat ég á henni með farangurinn...hahaha.. algjör snilld.. var samt orðin frekar hrædd þegar við hjóluðum niður einhverja svaðalega brekku en það var eins og besti rússíbani! kreisíness.. Fjölskyldan hennar á bústað þarna á þessari fallegu eyju sem heitir Södermöja.. eitt mesta krúsídúlluhús sem ég hef komið í, og giskiði nú, rautt með hvítum gluggum hahaha... því svoleiðis hús sér maður aldrei i Svíþjóð! Svo tók bara við lærdómur, nammiát, pissuferðir út í kamar í skóginum (þar sem skortur var á nýjustu hreinlætistækjum þeim sem kallast salerni) og tjill í tvo daga...fínt að hlaða aðeins batterýin í þessu fallega umhverfi í kyrrð og ró! Kom svo aftur til Stokkhólms um kvöldmatarleytið í gær og ekki mikið meira búið að gerast síðan þá nema lærdómur, þykjustulærdómur, OC gláp, svefn og þvo þvotta...lét það nú eiga sig að mæta á ellismellagleðina sem var í gangi hér í húsinu í dag, en eins og þeir vita sem hafa komið í heimsókn til mín þá er nóg um að vera í félagslífinu á Lötsjövägen 2, svo sem bingó, kaffisamkomur, morgunleikfimi og sitthvað fleira... best að fara að tékka á því hvað er að gerast á morgun! hahaha...

En jæja sætu sætu þá er þetta blogg á enda og óska ég öllum gleðilegs páskafrís! Núna eru aðeins 3 dagar í páskaeggið...

...
Vala påskkärring

Euler fram og til baka...
...býður bara upp á endalaust stuð! *hóst* Sé ekki fram á annað en Matlab fram á miðvikudaginn, því þessi labb virðist ætla að ganga eitthvað frekar hægt hjá okkur eins og flestu öðrum hópum! En það þýðir ekkert að væla yfir því.
Hér á Lötsjövägen er snjórinn alveg að hverfa og sé ég fram á vor í næstu viku... hehe já það þýðir ekkert annað en að vera bjartsýnn. Fékk svo að vita úr eðlisfræðiprófinu á föstudaginn, þrjár einingar bættust þar í hópinn og bíð bara eftir því að niðurstöðurnar komi inn á Mina Sidor svo að ég geti sent LÍN staðfestingarblað og fengið restina af peningunum mínum... þær eru búnar að vera með einhvern móral við mig þarna í Lánasjóðnum en ég er víst ekki sú eina sem er að lenda í veseni útaf námslánum... iss piss.
Í dag er búinn að vera algjör sunnudagur, fór í bandý áðan og vorum við svo ofur metnaðarfull að við skelltum okkur í blak beint á eftir afþví að enginn var að fara að nota völlinn á eftir okkur. Svo bara heim að horfa á Desperate, er að ná í 17.þáttinn núna... svo kíkti ég niðrá pósthús, sem er reyndar á bensínstöðinni, mjög þægilegt að hafa þetta bara hérna í næsta húsi. Þar beið mín pakkinn frá múttu með páskaegginu minu sem ég hlakka ekkert smá til að borða eftir tvær vikur! Nammi nammi... Sé svo ekki fram á annað en lærdóm í kvöld, þó ég væri mest til í að slappa bara af...
Seinasta sýningin á Spexinu var í gær og heppnaðist vel, þetta leikrit verður bara skemmtilegra og skemmtilegra eftir því sem ég sé það oftar! Vorum líka með mjög skemmtilegt þema, Gangster þema, ekki semsagt svona hiphop Coolio Gangsters paradise dæmi heldur vorum við stelpurnar allar í eins kjólum, mjög töff, og strákarnir jakkafataklæddir með hatta..
Myndir frá því i gær komnar inn á myndasíðuna...
Partýið var fínt, fengum alveg ágætan mat og svo voru allir með skemmtiatriði, þannig að við stóðum þarna fyrir framan alla um 150 manns held ég syngjandi eitthvað lag... og ég sem syng aldrei fyrir aðra! Reyndar verð ég að viðurkenna að ég mæmaði eiginlega bara hihihi...

Hef ekki meir að segja í bili!
Adios
...
Vala gala